雄仔叔叔：一個好認真嘅藍絲

最近學了一個詞：私了。 從老表的兒子聽來這故事。

老表的兒子陪老豆去探被人私了的朋友，兩個由細玩到大，坐下就被對方怪責。「我被人打到豬頭咁，你都唔幫拖！」

老表父子看著眼前的「豬頭」，因口舌紅腫，連說話也不大清楚。根據阿仔說，老表耷頭耷腦，一臉歉意，最後細細聲講，「你話唔使嘛，你話你哋福建幫地頭，唔使人幫…… 」「嗰陣都未落場！！我俾人追你就企喺對面馬路，一碌木咁！」

老表急忙爭辯，「唔係呀，唔係呀！嗰陣我準備衝過來，我真係…… 」

「咁又唔衝。」兒子說豬頭一激動，身體不知那部就痛起來，臉容更扭曲。

「…… 我一開步就聽到你大叫，「福建人出來！福建人出來！」我中山人來架嘛，出唔出呢？咁，窒咗一窒，就無出啦。我真係唔知你的同郷歡唔歡迎我哋中山人……幫手，你哋福建人好團結架嘛 。」

阿仔話他看了豬頭一眼就走來去厠所。他說他恐怕忍不住當著兩個長輩笑出來。他說豬頭那刻目定口呆的樣子，帶著千百個問號，他父親呢，他知道他是說真的，「佢係一個好認真既藍絲。」

「你去到厠所有無笑出來？」他還未答我，我就笑了出來。