我要讚讚你:四圍講古分享珍昔
這是一個遺失與尋找的故事。城市發展迅速,舊區的一草一 物逐漸被時代巨輪吞噬,港人失去回憶,甚至遺忘自我。文 化工作者張小鳴(Albert)聯同志同道合的朋友,每 個月舉辦一場講古活動,由講古人帶領參加者分享昔日城市 生活的喜怒哀樂。透過故事分享,凝聚社區力量之餘,更可 激活眾人回憶,重現種種已褪色淡忘的往事,從中回味當日 的感動。推土機可令舊樓崩塌,但生活點點滴滴仍牢固在心 中,莫失莫忘。
「小妹妹你幾多歲呀?讀緊小學呀,咁我就講一個我小學嘅 古仔先啦。」活動甫開始,講古人雄仔叔叔先與在場參加者 閒聊一番,故事由其中一名小朋友的年紀帶起,「我喺你咁 嘅年紀嘅時候,屋企附近住咗個婆婆,每次幫佢做完嘢,就 會送張糖紙畀我哋玩,我哋會拎嚟摺飛機,呼……可以由街 頭飛到街尾……」其後,交由每個參加者逐一道出他們的故 事,有人說起居住地的變遷和感受;有人憶述與家人共享快 樂時光的餐館;有人分享與前度情人的今昔關係。故事題目並無前設,參加者可天馬 行空一番,眾人說時手舞足蹈,故事活潑生動,氣氛輕鬆自 在。
「每個人嘅經歷都係有意義」
兩年前,文化工作者Albert有感社區急速發展,「香 港故事」愈趨單一,本地藝術文化及個人價值觀,往往跟隨 社會的主流發展,港人逐漸失去自我認同,「以前大家一直 講緊獅子山下嘅故事,依家電視劇講緊律師、醫生嘅古仔, 令大家以為唔係咁樣嘅背景就係屬於邊緣,自己嘅古仔就唔 係一個值得講嘅故事。但其實每一個人嘅經歷都係唔同,都 係有意義。」
Albert遂與不同領域的朋友組成「四圍講古」,每個 月舉辦一次講古活動,男女老幼共享自由吹水平台。搞手之 一的Jay認為,講古可讓參加者將生活片段重新連繫,重 構社區生活。藝術工作者人仔叔叔指,透過分享、聆聽及溝 通,刺激參加者思考,勾起生活點滴,反思在城市發展的得 與失,對生活和社區重新產生認同,更可保留每一個珍貴故 事,「其實講古仔係人嘅本能,係生活嘅一部分,每個人都 唔應該脫離最基本同簡單嘅生活。」
喚起回憶 快樂此中尋
看不見的,就等於不存在?時代巨輪帶走一磚一瓦,但記憶 隨身,痕迹不曾被淹沒。在別人的故事中,你尋回甚麼?
羅生當日帶同妻兒參加「四圍講古」活動,聽着其他參加者 講述成長的地方及往事,令他憶起中學逸事,「仲記得嗰陣 讀男校,對面就係女校,一水浸一班男仔就開心,因為…… 」說罷,哄堂大笑,「又記得嗰陣深水埗有間舖嘅油渣麵好 平,好好食。」記憶如泉湧,羅滔滔不絕地分享。
「今日得着好多,呢兩個鐘透過分享刺激到我思維,我諗番 起好多以前嘅回憶,好過睇一場戲!」羅生認為,八十年代 講古文化盛行,家家戶戶的長輩都會向後輩訴說故事,是最 簡單和直接的溝通交流,亦不至讓生活經歷流失。羅讓兒子 參與活動,是希望他們回歸簡單,學會聆聽,「依家好多小 朋友掛住低頭玩電腦,遺忘生活最簡單嘅事,其實簡單就是 美。」
圖:吳啟偉/文:溫盈盈
參考報導:《東方日報》20-4-2014